08:32 / 07.06.2026
Keqtrajtoi fëmijët e saj të mitur, arrestohet e dyshuara
RTKlive
Në fshatin Uglar të Graqanicës, më 05.06.2026 rreth orës 21:00, policia ka arrestuar një të dyshuar femër nën dyshimin për keqtrajtim të fëmijëve të saj të mitur.
Sipas njoftimit policor, gjatë intervenimit është konstatuar se e dyshuara ka qenë nën ndikim të alkoolit, pasi testi i alkoolit ka rezultuar pozitiv.
Menjëherë pas rastit, fëmijëve u është ofruar ndihmë mjekësore në prani të një punonjësi social, për të siguruar kujdesin dhe mbrojtjen e tyre.
E dyshuara është intervistuar nga organet e rendit dhe me vendim të prokurorit është dërguar në mbajtje për 48 orë.























