Teatri Kombëtar shpall audicion për aktorë për shfaqjen Romeo dhe Zhulieta
Medina Pasoma / RTKlive
Teatri Kombëtar i Kosovës ka shpallur audicion për shfaqjen, “Romeo dhe Zhulieta” nga William Shakespeare me regjisor Ilir Bokshi.
Audicioni është i hapur për aktorë dhe aktore deri në moshën 35 vjeç.
“Kandidatët duhet: Të paraqiten 20 minuta para orarit të caktuar për nxehje fizike dhe ushtrime grupore. Gjatë audicionit mund të zhvillohen edhe ushtrime individuale, sipas nevojës; Të jenë të veshur me veshje të përshtatshme për ushtrime fizike; Të demonstrojnë aftësi bazë të intonacionit dhe ritmit; Të interpretojnë dy këngë të zgjedhura prej tyre, në stile të ndryshme; Të realizojnë një interpretim të shkurtër skenik sipas udhëzimeve të ekipit artistik; Të marrin pjesë në ushtrimet grupore gjatë procesit të audicionit”, thuhet në njoftim.
Audicioni mbetet i hapur deri më 4 gusht.























