Fenerbahce rikthehet në Champions League, Muriqi protagonisti kryesor
Uran Krasniqi / RTKLive
(E plotësuar, 22:59) - Fenerbahce ka siguruar kualifikimin në fazën e grupeve të Champions League pas plot shtatëmbëdhjetë vitesh.
Skuadra turke e ka mposhtur Lyon me rezultat 2:1 në ndeshjen e kthimit të barazhit, duke siguruar kështu rikthimin në garën më të madhe evropiane për klube.
Ndeshja e para një jave në Stamboll ishte mbyllur baras 1-1.
Fenerbahce e ka nisur ndeshjen e të mërkurës në mënyrën më të mirë. Në minutën e njëzet e katërt, sulmuesi i Kosovës, Vedat Muriqi, e ka shfrytëzuar një top të kthyer brenda zonës dhe e e ka dërguar në rrjetë për epërsinë 1:0.
Vetëm katër minuta më vonë, skuadra turke e ka dyfishuar avantazhin. Pas një harkimi të Mason Greenwood nga këndi, Nathan Ake është shkëputur më së larti dhe ka shënuar me kokë për rezultatin 2:0.
Lyon ka reaguar në pjesën e dytë dhe e ka ngushtuar rezultatin në minutën e gjashtëdhjetë e një me golin e Fofanas, por skuadra franceze nuk ka arritur të shënojë më shumë.

Fenerbahce në epërsi prej dy golash ndaj Lyon
Fenerbahce e ka mbyllur pjesën e parë me epërsi ndaj Lyon, në ndeshjen e kthimit të barazhit të Champions League.
Skuadra turke ka kaluar në epërsi në minutën e njëzet e katërt, kur sulmuesi i Kosovës, Vedat Muriqi, e ka shfrytëzuar një top të kthyer brenda zonës dhe e ka dërguar atë në rrjetë për rezultatin 0:1.
Vetëm katër minuta më vonë, Fenerbahce e ka dyfishuar epërsinë. Pas një harkimi të Mason Greenwood nga këndi, Nathan Ake është shkëputur më së larti dhe ka shënuar me kokë për 0:2.
Ndeshja e parë mes dy skuadrave, e zhvilluar në Turqi, kishte përfunduar me rezultat 1:1.
Ndeshja ka edhe dyzet e pesë minutat e pjesës së dytë, por nëse Fenerbahce e ruan rezultatin aktual atëherë arrin t'i sigurojë grupet e Champions League.























