15:08 / 05.10.2026
Hyn në fuqi Rregullorja për Funksionimin e Këshillit të Skenës së Pavarur
Sh.G|RTKlive
Ka hyrë në fuqi Rregullorja për Funksionimin e Këshillit të Skenës së Pavarur, e cila përcakton mënyrën e funksionimit të këtij mekanizmi dhe synon të krijojë një kornizë më të qartë për përfaqësimin dhe zhvillimin e skenës së pavarur kulturore në Kosovë.
Sipas njoftimit të Ministrisë së Kulturës, Rregullorja është publikuar në Gazetën Zyrtare të Republikës së Kosovës dhe ka hyrë në fuqi më 5 tetor 2026.
Dokumenti përcakton rregullat për funksionimin e Këshillit të Skenës së Pavarur, duke krijuar bazë më të qartë për organizimin dhe përfaqësimin e komunitetit të pavarur kulturor.
Ministria e Kulturës e ka vlerësuar këtë hap si pjesë të përpjekjeve për forcimin e pozitës dhe zhvillimin e skenës së pavarur kulturore në Kosovë.























