19:26 / 26.10.2026
Përmbyllet edicioni i parë i Festivalit Ndërkombëtar të Teatrit “LA RREMË”
Sh.G|RTKlive
Me një mbrëmje muzikore nga artistja Ibadet Ramadani, është përmbyllur në Prishtinë edicioni i parë i Festivalit Ndërkombëtar të Teatrit “LA RREMË”.
E shoqëruar nga grupi i saj, Ramadani interpretoi kompozime origjinale, muzikë country dhe tinguj tradicionalë shqiptarë, duke sjellë para publikut rrëfime personale dhe kujtime.
Në ceremoninë përmbyllëse morën pjesë ministrja e Kulturës, Saranda Bogujevci, kryetarja e Kuvendit të Kosovës, Albulena Haxhiu, deputetja Arbërie Nagavci, deputetja Arjeta Fejza, si dhe qytetarë e artdashës.
Festivali “LA RREMË” i kushtohet figurës dhe trashëgimisë artistike të Muharrem Qenës. Programi i tij ndërthur teatrin me muzikën, duke promovuar vepra artistike dhe aktivitete kulturore në Prishtinë.























