10:21 / 18.11.2026
Merrte veturat me qira dhe dyshohet se i shiste, arrestohet një person në Lipjan
E.Hoti/RTKlive
Një person është arrestuar në Lipjan, nën dyshimin për veprat penale “Shpërdorimi i pasurisë së huaj” dhe “Mashtrimi”.
Sipas raportit të Policisë, i dyshuari, mashkull kosovar, dyshohet se kishte marrë vetura me qira nga ankuesi, por më pas i kishte shitur ato.
Rasti ka ndodhur më 12 nëntor, rreth orës 23:40, ndërsa arrestimi i të dyshuarit është kryer më 17 nëntor 2026.
Me vendim të prokurorit, i dyshuari është dërguar në mbajtje.






















