09:35 / 18.11.2026
Një person vdes në QKUK, dyshohet se kishte konsumuar barna ose substanca të dyshuara
E.Hoti/RTKlive
Një person ka ndërruar jetë në Qendrën Klinike Universitare të Kosovës (QKUK), pasi dyshohet se kishte konsumuar barna ose substanca të tjera të dyshuara.
Rasti është raportuar më 17 nëntor, rreth orës 08:15, në Kamenicë.
Sipas raportit të Policisë, personi ishte shoqëruar në QKUK, ku gjatë qëndrimit aty është raportuar se kishte ndërruar jetë.
Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.
Rasti është iniciuar si “Hetim i vdekjes” dhe po hetohet nga Policia.






















