De Gea nuk garanton, Manchester United do ta zëvendësojë me Oblak
BKT
Sport

De Gea nuk garanton, Manchester United do ta zëvendësojë me Oblak

Manchester United pritet të trokasë sërish në dyert e Atletico Madridit.

Gardiani i “Los Cholchoneros”, Jan Oblak, vazhdon të jetë një dëshirë e “Djajve të Kuq”, edhe pse situata nuk është nga më të mirat për klubin anglez, pasi vetëm pak javë më parë Oblak rinovoi kontratën e tij me Atleticon me afat deri në vitin 2023.

Gjithsesi, kjo është një pjesë që nuk e shqetëson shumë United, aq më pak paga që përfiton Oblak apo shuma që mund t’i kërkojnë drejtuesit e Atleticos së Madridit.

De Gea nuk po bind më paraqitjet e tij dhe pikërisht emri i spanjollit mund të përfshihet në këtë tratativë për të arritur akordin.

Në garë për Jan Oblak është Paris Saint Germain, që kërkon pasuesin e Buffonit.

Nëse Manchester United shfaq gatishmërinë për të paguar klauzolën e “gardianit” të Atelticos nevojitet një konfirmim edhe nga vetë slloveni.

Sipas mediave spanjolle, dëshira e portierit Oblak është të qëndrojë te “Los Cholchoneros” dhe United i duhet shumë punë që ta bindë atë të ndërrojë mendje dhe për ta arritur një gjë të tillë do të jetë pikërisht oferta “faraonike” që do t’i paraqesin anglezët portierit.