E kërkuan klubet e mëdha, Gasperini vazhdon kontratën me Atalantan
BKT
Sport

E kërkuan klubet e mëdha, Gasperini vazhdon kontratën me Atalantan

Pas mrekullisë që arriti me Atalantan, Gien Piero Gasperini do të qëndrojë edhe për një vit në Bergamo.

E kërkonin Roma dhe Milani, por Gian Piero Gasperini do të mbetet një ëndërr për këto dy klube.

Trajneri 61-vjeçar i cili shikohej si pasuesi i Claudio Ranierit apo Gennaro Gattusos në këto dy skuadra, ka vendosur të qëndrojë te Atalanta. 

Pas arritjes historike, duke kualifikuar Atalantan në Ligën e Kampionëve, Gasperini do ta drejtojë këtë skuadër edhe në garën më prestigjioze për klube në Evropë.

Përmes një komunikate zyrtare klubi i Atalantas ka bërë të ditur se bashkëpunimi me Gasperinin do të vazhdojë edhe për një vit shtesë, ku ai do të përfitojë edhe rritje page.