10:59 / 08.06.2019
Buffon po rikthehet në Serie A?
Legjenda italiane e futbollit, Gianluigi Buffon, duket se është në rrugë për tu rikthyer në kampionatin italian të futbollit.
Buffon mund të rikthehet aty ku nisi gjithçka, tek skuadra e Parmës, bëjnë të ditur raportimet e fundit nga ‘Goal Italia’, transmeton lajmi.net.
Kontaktët mes palëve veçse kanë nisur dhe Gigi thuhet se është i gatshëm të kthehet në Itali.
Buffon kishte bërë debutimin e tij në Serie A në moshën 17 vjeçare, në nëntor të vitit 1995, në një barazim 0:0 kundër Milanos.
Ishte viti 2001 kur portieri italian ishte transferuar tek skuadra e Juventus, skuadër me të cilën bëri historinë.
Mbetet të shihet se si do të ecin negociatat dhe nëse ai do të kthehet tek Parma.























