Epoka Reja nis me humbje, Islanda mund Shqipërinë
RTKLive
Trajneri italian Edi Reja ka debutuar me humbje në krye të Kombëtares shqiptare, raporton RTKlive.
Islanda e ka mposhtur Shqipërinë, me rezultat 1-0, të shtunën në kuadër të kualifikueseve për Evropianin 2020.
Ndonëse kuqezinjtë treguan lojë më të mirë në krahasim me kohën e Panuccit, megjithatë, skuadra shqiptare nuk ia doli të paktën të marr një pikë nga ky udhëtim i vështirë.
Islandezët përmes Gudmunsson, në minutën e 22-të zhbllokuan lojë, duke kaluar në epërsi, rezultat më të cilin skuadrat shkuan në pushim.
Në fraksionin e dytë të lojës, skuadra shqiptare u mundua mjaft shumë që të gjej rrugën e golit, megjithatë, tentimet e kuqezinjve ishin të kota, kështu që Shqipëria humbet duelin me Islandën.
Shqipëria mbetet në pozitën e katërt në Grupin H me vetëm tri pikë, kurse, Islanda ka gjashtë pikë aq sa kanë Franca dhe Turqia, skuadra këto që do të ballafaqohen sonte në orën 20:45.























