18:34 / 26.07.2019
Iniesta: Është ndjenjë speciale të luajë kundër Barcelonës
Legjenda e Barcelonës, Andres Iniesta, ka dhënë disa komente interesante para përballjes me ish skuadrën e tij.
Barcelona do ta mbyll turneun në Azi me ndeshjen që e luan kundër Vissel Kobe, anëtar i së cilës skuadër është edhe Andres Iniesta.
Iniesta është shprehur mjaft i lumtur për ndeshjen që do ta luajë, duke thënë se është privilegj që luan kundër Barcës.
“Në aspektin personal, do të jetë ndjenjë speciale që të përballem me ish kolegët e mi”, ka thënë fillimisht Iniesta, transmeton lajmi.net.
“Ne do të mundohemi që të bëjmë një ditë interesante për tifozët. Do të jet qejf i madh për tifozët japonez” ka thënë tutje Iniesta.
Barca dhe Vissel Kobe do të takohen nesër, në një ndeshje miqësore, me fillim nga ora 11:00.























