Tuchel tregon nëse Neymar do të largohet nga PSG-ja
Trajneri i PSG-së, Thomas Tuchel në konferencën para ndeshjes me Rennes, ka folur edhe për të ardhmen e yllit të skuadrës së tij, Neymar, transmeton RTKLive.
Braziliani është i lidhur me rikthimin tek Barcelona, por Neymar kërkohet edhe nga Real Madrid.
Tuchel thotë se nuk e di se çfarë mund të ndodh në ditët vijuese, por sipas tij, braziliani do të mbetet në Paris.
“Unë nuk e di se çfarë do të ndodhë me kalimin e kohës, por tregu do të përfundojë. Unë nuk e ndryshoj mendimin tim, Neymar është futbollisti im”, tha Tuchel.
“Kur mendoj për një ekip të fortë, mendoj për një ekip me Neymar-in. Asgjë nuk ka ndryshuar, aq më pak marrëdhëniet midis meje dhe atij. Nëse nuk ka zgjidhje, ai qëndron me ne, ka edhe tre vjet kontratë”, theksoi gjermani. /rtklive/























