10:46 / 25.08.2019
Superliga vazhdon sot me dy sfida joshëse
Pas tri ndeshjeve në dy ditët e kaluara, e diela sjellë edhe dy sfida të IPKO Superligës.
Skuadra e Dritës pas gabimit ndaj Ferizajt javën e kaluar, zhvillon edhe duelin e dytë në shtëpi, ku kësaj radhe pret Flamurtarin.
Kuqezinjtë kanë ditur shpesh herë të dalin triumfues nga Gjilani, hiç më larg se në edicionin e kaluar, andaj ekipi bardhekaltër nuk pritet të ketë punë të lehtë.
Ndryshe nga ky ballafaqim, takimi tjetër në “Ferki Aliu” është krejtësisht i paparashikueshëm. Vushtrria para shikuesve vendës luan ndaj Trepçës ’89, që e nisi edicionin furishëm me fitoren e thellë ndaj Gjilanit.























