Challandes nesër mban konferencë për media, flet për sfidat e radhës
BKT
Sport

Challandes nesër mban konferencë për media, flet për sfidat e radhës

Trajneri i Kombëtares së Kosovës, Bernard Challandes, të dielën do të mbajë konferencën e parë për media para ndeshjeve të shtatorit.

Kosova në shtator zhvillon dy ndeshje të rëndësishme kualifikuese për Euro 2020.

Më 7 shtator në Kosovë do të vijë Çekia, ndërsa më 10 shtator ‘Dardanët’ udhëtojnë për t’u takuar me Anglinë.

Njoftimi i FFK-së:

Përzgjedhësi i Kombëtares së Kosovës, Bernard Challandes do të paraqitet nesër në konferencë për media në prag të ndeshjeve kualifikuese për Euro 2020 kundër Republikës së Çekisë, më 7 shtator dhe kundër Anglisë më 10 shtator. Konferenca mbahet në orën 11:00 në stadiumin “Fadil Vokrri” në Prishtinë.

Ndërkaq, të hënën (më 2 shtator), në orën 10:30, në sallën e konferencave në stadiumin ‘Fadil Vokrri’ në Prishtinë, në konferencë për media do të paraqiten përzgjedhësi i Kombëtares U21, Rafet Prekazi, së bashku me dy futbollistët Arton Zekaj dhe Eris Abedini, në prag të ndeshjes për kualifikimet për Euro 2021 kundër Anglisë.