Gjilani mposht ekipin e njohur zviceran në miqësore
BKT
Sport

Gjilani mposht ekipin e njohur zviceran në miqësore

Në vazhdën e ndeshjeve të kombëtareve, disa prej ekipeve kosovar e kanë shfrytëzuar pushimin për t’u përgatitur jashtë vendit.

Njëra ndër to është edhe ekipi i Gjilanit, që luajti sot një miqësore në Zvicër.

‘Skifterat’ u përballën me Schaffhausen, klub që garon në nivelin e dytë zviceran, shkruan lajmi.net.

Djelmoshat e Mezanit befasuan, duke arritur fitore 2-0 në terrenin mysafir.

Golat e Jackson Ferreira (1’) dhe Gerhard Progni (18’) i siguruan fitoren Gjilanit.

Ndryshe, Gjilani pas tre ndeshjeve të para në Superligë ka marrë dy fitore dhe një humbje, derisa ndeshjen e ardhshme udhëton te Drenica.