20:11 / 10.09.2019
Muriqi sot ka një arsye më shumë për të ‘shpërthyer’ ndaj Anglisë
Ylli i Kosovës, Vedat Muriqi, sonte e ka edhe një arsye më shumë për ta dhënë krejt energjinë për ekipin tonë përfaqësues në ndeshjen kundër Anglisë, e cila zhvillohet prej orës 20:45.
Muriqi gjatë verës e bëri hapin e madh duke u tranfseruar te gjiganti turk, Fenerbahce. Ndërsa, po përjeton formë tepër të mirë, duke u rënë në sy të klubeve të mëdha evropiane.
Muriqi – që para tri ditësh shënoi gol në fitoren e Kosovës prej 2:1 ndaj Çekisë – sonte do të jetë titullar kundër Anglisë. Dhe, zyrtarë të gjigantit anglez, Tottenham Hotspur, me gjasë do ta përcjellin nga tribuna VIP yllin kosovar, i cili raportohet se është bërë opsion i këtij klubi.
Muriqi po shkëlqen me fanellën e Fenerbahçes dhe të Kosovës.























