Deschamps vazhdon kontratën me "Gjelat" deri në vitin 2022
Sharr Travel

Deschamps vazhdon kontratën me "Gjelat" deri në vitin 2022

Didier Deschamps ka rinovuar bashkëpunimin e tij me Federatën Franceze të Futbollit, për të drejtuar “gjelat” deri në fund të Kupës së Botës 2022.

Marrëveshja është njoftuar ditën e sotme, ndërsa Deschamps, që fitoi Kupën e Botës vitin e kaluar me Francën, do të tentojë edhe mbrojtjen e trofeut në Katar, më 2022-shin.

Didier Deschamps u ul në pankinën e Francës më 8 korrik të vitit 2012, ku zëvendësoi Laurent Blanc, pas një Europiani jo fort të suksesshëm dhe që atëherë ka arritur të çojë “Gjelat” në finalen e Euro 2016-ës dhe të fitojë Kupën e Botës më 2018-ën.

Vitin e ardhshëm Zidane dhe Franca e tij do të provojnë fillimisht suksesin në Euro 2020, ndërsa më pas do të mendojnë për Kupën e Botës Katar 2022.