Aubameyang ka një lajm fantastik për Barcelonën
Transferimi i Pierre-Emerick Aubameyang nga Arsenal te Barcelona nuk është mision i pamundur.
E përditshmja sportive katalane “Mundo Deportivo” shkruan se anëtari i Kombëtares së Gabonit e ka dhënë një “OK” në lidhje me interesimin e klubit katalan për blerjen e tij.
Arsenal nuk është në gjendje të mirë dhe aktualisht ka 34 pikë më pak se lideri i Premierligës, Liverpool.
Rezultatet e dobëta kanë sjell ndryshim në krye të stafit teknik ku Unai Emery u shkarkua duke u zëvendësuar me Mikel Artetan, ish asistentin e Pep Guardiolës në Manchester City.
Aubameyang thuhet se do të preferonte transferimin te një klub si Barcelona ku mund të luftojë për titujt më të rëndësishëm, përfshirë Ligën e Kampionëve.
Barcelona kërkon sulmues pas lëndimit serioz të Luis Suarez.























