10:05 / 16.02.2020
Përplasja me Tuchel, Reali gati 250 milionë euro për Mbappen
Kylian Mbappe duket se i ka ditët e numëruara te PSG.
Talenti francez ka pasur një përplasje me teknikun Thomas Tuchel, me këtë të fundit që e ka zëvendësuar në dy sfidat kundër Nantes dhe kundër Montpellier.
Pas këtij konflikti, Real Madrid është gati të përfitojë dhe ka përgatitur ofertën e bujshme për shërbimet e 20 vjeçarit.
“Los Blancos” janë gati ta bëjnë Mbappen lojtarin më të shtrenjtë në botë, pasi siç raportojnë mediet iberike, ka përgatitur plot 250 milion euro.
Aktualisht, lojtari më i shtrenjtë në botë është Neymar, i cili i kushtoi 222 milion euro PSG-së, para që shkuan në arkat e Barcelonës.























