Ndalohet hyrja në Maqedoni nga shtetet me rrezik të lartë nga korona virusi
Përshkak gjendjes me korona virusin në vend, në përputhje me vendimet e Qeverisë nga seanca e fundit, ndalohet hyrja e shtetasve të huaj nga vendet me rezik të lartë në përputhje me listën e Organizatës Botërore Shëndetësore, e publikuar në ueb faqen e Ministrisë së Shëndetësisë.
Ndalesa, siç thuhet në këtë vendim, nuk vlenë vetëm nëse dorëzojnë vërtetim të dorëzuar nga organi kompetent për karantin të kryer.
Gjithashtu apelohet deri tek shtetasit e Republikës së Maqedonisë së Veriut të cilët jetojnë në shtete me rezik të lartë dhe të mesëm, të shtyjnë ardhjen në Maqedoninë e Veriut në këtë periudhë kohore.
Përshkak mbylljes së kufirit “Ribarci” me Republikën e Serbisë, nga dje në ora 07:00, për ndalim për kalim për vetura dhe këmbësorë në përputhje me udhëzimet e Qeverisë të Republikës së Serbisë, të gjithë udhëtarët dhe veturat në vendkalimin kufitar “Golema Crcorija” – Golesh, udhëzohen nëpër vendkalimet kufitare të cilat janë të hapura për lëvizje të lirë të udhëtarëve dhe veturave.
Nga vendkalimi Prohor Pçinski udhëtarët dhe veturat udhëzohen në vendkalimin kufitar me Republikën e Serbisë në Tabanoc.























