10:28 / 18.03.2020
Të infektuar të tjerë në RMV, numri shkon në 31
Ministria e Shëndetësisë së Maqedonisë së Veriut ka bërë të ditur se numri i të prekurve me koronavirus në vend ka arritur në 31.
Sipas Ministrisë së Shëndetësisë janë konstatuar edhe pesë raste te reja me virusin Covid-19. Nga gjithsej 10 të testuar, tek 5 prej tyre analizat kanë dalur pozitive me koronavirus, përcjell Express.
Njëra nga pacientet është gruaja e pacientit nga Shkupi, i cili ka qënë më herët i diagnostifikuar, ndërsa 4 të tjerët janë nga Dibra, dy mjekë dhe dy motra medicinale.
“Me këto, numri i te prekurve nga koronavirusi ka shkuar në 31”, thuhet në kumtesën e Ministrisë së Shëndetësisë.























