14:15 / 10.05.2020
Gati rikthimi i Tyson: Zotat e Luftës më ngacmuan egon
Ish-kampioni i botës për peshat e rënda në boks, Mike Tyson, është drejt rikthimit në ring.
53-vjeçari ka treguar planet e tij se është gati t’i kthehet dhe një herë “luftës”, por këtë herë bëhet fjalë për një ndeshje bamirësie.
“Ndihem i pandalshëm tani. Zotat e Luftës më ngacmuan egon time dhe unë jam gati të shkoj dhe një herë në luftë”, deklaron amerikani, i cili ka postuar dhe një video në rrjetet sociale, aty ku shfaqet gjatë një seance stërvitore”, tha ai.
Tyson e ka pranuar se e ka shfrytëzuar izolimin nga Coronavirusi si një mundësi për t’iu kthyer stërvitjes.
Mediat aludojnë se ai mund të ndeshet me ish-boksierin, Evander Holyfield.























