Jordan kundër racizmit: Më shpon në shpirt, koha për të vepruar!
BKT
Sport

Jordan kundër racizmit: Më shpon në shpirt, koha për të vepruar!

I  prekur thellë nga vrasja e George Floyd, Michael Jordan e shfaqi publikisht zemërimin e tij dhe njoftoi se do të dhurojë 100 milionë dollarë gjatë 10 viteve të ardhshme për të luftuar racizmin.

Tani legjenda e basketbollit bëri thirrje për bashkim, për të ndërtuar një shoqëri më të mirë dhe siguroi që është koha për të reaguar.

(Si afro-amerikanë) ne jemi përbuzur për kaq shumë vjet. Të shpon në shpirt. Nuk mund ta pranojmë më këtë situatë, tani duhet të vijë kthesa. Duhet të ngrihemi në këmbë. Ne duhet të jemi më të mirë si shoqëri sa i përket qëndrimit mbi racat,” – tha ai gjatë një interviste për “Charlotte Observer”.

Jordan shtoi më tej se ndarja e shoqërisë sipas klasave shfaqet si një nga problemet më të mëdha midis njerëzve:

“Nuk duhet të ndiheni më mirë se të tjerët, për faktin se jeni rritur apo keni pasur më shumë përparësi në jetë. Fakti që dikush është rritur në një lagje të varfër nuk do të thotë që ju duhet ta konsideroni atë si dikush që nuk është si ju.”

Përveç donacionit, Jordan theksoi rëndësinë e arsimit për të përmirësuar njerëzit dhe si një mjet për të zbutur problemet e racizmit në të gjithë botën:

“Arsimi është mënyra më e mirë për t’u lidhur me njerëzit e tjerë dhe është rruga më e mirë për të qenë më të mirë. Mbështetja e mundësisë arsimore është një hap shumë i domosdoshëm në shoqëri.”