Fati i Setien duket i shkruar, Barcelona mendon për trajnerin e ri!
BKT
Sport

Fati i Setien duket i shkruar, Barcelona mendon për trajnerin e ri!

Me shirat dhe me pjesën më të madhe të senatorëve kundër, fati i Setien duket i shkruar. Largimi i tij është i sigurt, mbetet vetëm për tu përcaktuar se kur.

Në pritje se çfarë do të sjellë ndeshja e kthimit kundër Napolit në Champions, gjithnjë nëse nuk kemi ndonjë lëvizje më të hershme, në shtëpinë e Barcelonës po mendojnë për të gjetur pasuesin e tij.

Sipas “Mundo Deportivo”, Patrick Kluivert është një opsion që pëlqehet nga drejtuesit e klubit por dhe nga vetë senatorët, transmeton BW.

Aktualisht Kluivert mban postin e përgjegjësit në sektorin e të rinjve në klubin katalunjas, një figurë e këtij klubi që mund të sjell qetësi në një moment kaq të vështirë.