50 të arrestuar, operacioni përfshin edhe Shqipërinë
BKT
Rajoni dhe Bota

50 të arrestuar, operacioni përfshin edhe Shqipërinë

50 persona kanë rënë në pranga përgjatë një operacioni policor të organizuar nga Frontex, Agjencia Evropiane e Kufirit dhe Rojes Bregdetare, së bashku me Austrinë.

Mësohet se operacioni, i njohur si Dita e Përbashkët e Veprimit (JAD) Danub 5 pati për qëllim goditjen e krimit të rëndë dhe të organizuar ndërkufitar në Evropën Qendrore dhe Juglindore.

JAD Danube 5 u përqendrua në luftimin e kontrabandës së migrantëve, luftimin e trafikimit të qenieve njerëzore dhe mashtrimit të dokumenteve. Një zyrë e përbashkët operacionale u krijua në Vjenë për të mbështetur shkëmbimin e informacionit midis pjesëmarrësve dhe për të udhëhequr hetimet mbi kontrabandën e njerëzve dhe trafikimin e qenieve njerëzore.

Polonia, Hungaria, Sllovakia, Italia, Sllovenia, Kroacia, Rumania, Bullgaria, Greqia, Serbia, Bosnje-Hercegovina, Republika e Maqedonisë së Veriut, Mali i Zi dhe Shqipëria gjithashtu morën pjesë në aksion. Operacioni u mbështet edhe nga Europol dhe Interpol.

Përveç 50 kontrabanduesve të arrestuar, u zbuluan edhe 7248 migrantë të parregullt, 83 dokumente të rreme, 17 veturave të vjedhura si dhe zbulimi i 20,000 maskave të padeklaruara kirurgjikale.

Operacioni në fjalë ishte dita e parë e përbashkët e veprimit e organizuar nga Frontex nën kushtet COVID-19 dhe operacioni i parë ndërkombëtar i këtij viti.


MË SHUME NGA Rajoni dhe Bota