Bullgaria nuk jep dritën jeshile për negociatat me Maqedoninë e Veriut
BKT
Rajoni dhe Bota

Bullgaria nuk jep dritën jeshile për negociatat me Maqedoninë e Veriut

Bullgaria ende synon të bllokojë fillimin e bisedimeve të anëtarësimit me Maqedoninë e Veriut për shkak të “mosnjohjes së së vërtetës historike” nga autoritetet në Shkup. Sidoqoftë, ka pasur një progres në negociata.

“Ne nuk jemi akoma atje për të thënë “po”, tha Ministrja e Jashtme Bullgare Ekaterina Zaharieva pas një takimi në Berlin me BE dhe Ministrat e Jashtëm të Maqedonisë – Nikola Dimitrov dhe Bujar Osmani.

Kryeministri Bojko Borisov mbajti një telefonatë 40-minutëshe me kancelaren gjermane Angela Merkel dhe konfirmoi se Bullgaria aktualisht nuk është në gjendje të miratojë kornizën negociuese të BE për Maqedoninë e Veriut.

Borissov vuri në dukje se ai pret, me ndihmën e Berlinit, të gjejë “zgjidhjet e sakta” deri në fund të vitit, pasi skadon Presidenca Gjermane e Këshillit të BE.

“Bullgaria dhe unë jemi mirënjohës për angazhimin e presidencës gjermane dhe ju personalisht për gjetjen e formulave që do të lejonin Republikën e Maqedonisë Veriore të fillojë negociatat për anëtarësimin në Bashkimin Evropian”, i tha Borissov Merkel, siç citohet nga shërbimi i tij për shtyp./Shekulli


MË SHUME NGA Rajoni dhe Bota