Fiorentina shkarkon Iachinin, rikthen në stol Prandellin!
BKT
Sport

Fiorentina shkarkon Iachinin, rikthen në stol Prandellin!

Ajo që po flitej prej disa ditësh tashmë ka marrë formë zyrtare. 

Barazimi pa gola ndaj Parmës i ka vendosur kapak fundit të aventurës së Beppe Iachinit në stolin e Fiorentinës, me drejtuesit e klubit vjollcë që kanë vendosur ta shkarkojnë trajnerin aktual për shkak të rezultateve të dobëta. 

Vendin Iachinit nuk do ta marrë Maurizio Sarri siç u përfol fillimisht por një njohje e vjetër e klubit vjollcë Cesare Prandelli me të cilin Fiorentina pati periudhën më të artë gjatë 5 viteve që e drejtoi nga 2005 deri në 2010-ën. 

Prandelli për të cilin pritet vetëm zyrtarizimi kthehet te Fiorentina pas 10 vitesh me shpresën për të bërë më mirë se në eksperiencën e tij të parë.