20:19 / 05.01.2021
Mërgim Berisha tregon nëse do të luajë për Kosovën
Mërgim Berisha është njëri nga futbollistët shqiptarë, që po kalon në një formë të jashtëzakonshme me Salzburgun.
Berisha madje në Ligën e Kampionëve, ka qenë futbollisti kryesor i Salzburgut.
Në një intervistë për Albinfo.at, Berisha ka folur edhe për Përfaqësuesen e Kosovës.
“Për momentin jam duke luajtur për Gjermaninë. Por, jam shumë krenar me shtetin e prindërve të mi. Kosova është shumë e mirë aktualisht, por jam i bindur se do të jenë edhe më të mirë në të ardhmen”, ka thënë sulmuesi kosovar.
Berisha ka disa vjet që luan për të shpresat e Gjermanisë, ndërsa është ende i papërcaktuar se për cilin shtet do të luajë në të ardhmen, Kosovën apo Gjermaninë.























