10:42 / 30.04.2021
Zjarri kaploi një lokal në Prishtinë
Një lokal në rrugën “Bill Klinton” në kryeqytet është kapluar nga zjarri në orët e para të së premtes.
Zjarri është lokalizuar nga zjarrfikësit ndërsa sipas policisë nuk ka persona të lënduar.
Flora Ahmeti, zyrtare për informim në Policinë e Kosovës ka thënë se informatën policia e ka pranuar rreth orës 02 e 30 minuta dhe menjëherë njësitet policore kanë dalë në vendin e ngjarjes.
“Sot rreth orës 02:30, është pranuar informata për një incident zjarri në një lokal në rrugën “Bill Klinton” në Prishtinë. Policia ka dalë në vendin e ngjarjes, po ashtu edhe zjarrfikësit të cilët e kanë arritur të lokalizojnë zjarrin. Nuk raportohet për persona të lënduar. Me rastin po merren njësitet e stacionit Qendra në Prishtinë”, ka deklaruar Flora Ahmeti.























