Pendarovski: Çështja e diplomatit rus është e dokumentuar

Pendarovski: Çështja e diplomatit rus është e dokumentuar

Presidenti i Maqedonisë Veriore, Stevo Pendarovski, deklaroi sot se ishte i njohur me rastin e dëbimit të diplomatit rus dhe se ishte dokumentuar nga institucionet kompetente.

"Unë u informova, nga ajo që pashë, çështja u dokumentua nga institucionet kompetente, nuk ka të bëjë me improvizim," tha Pendarovski, duke iu përgjigjur pyetjes së gazetarëve nëse ai ishte i njohur me vendimin e Ministrisë së Punëve të Jashtme të Maqedonisë Veriore, raportojnë mediat e këtij vendi.

Ai shtoi se afati shtatë-ditor për diplomatin rus për të lënë vendin u la për arsye humanitare.

"Aspekti njerëzor u mor parasysh, jo vetëm konventa diplomatike, në mënyrë që ajo të mos ishte brenda natës. Këta njerëz kanë familje dhe interesa të tjerë dhe është çnjerëzore të veprojmë kështu," shtoi Pendarovski.

Ambasadori rus në Shkup u thirr në Ministrinë e Punëve të Jashtme të Maqedonisë Veriore më 14 maj, ku iu dha një shënim në lidhje me dëbimin e një diplomati rus pa emër. Vendimi u njoftua më herët sot.


MË SHUME NGA Rajoni