Sot dhjetë ndeshje kontrolluese të Kombëtareve
Në vazhdën e parapërgatitjeve të fundit para fillimit të Kampionatit Evropian “Euro2020”, kombëtaret po aranzhojnë ndeshje miqësore.
Sonte në program janë plotë 10 ndeshje kontrolluese, transmeton "Demokracia".
Vëmendja më e madhe është te kombëtaret që kanë synim trofeun e “Euro2020”.
Anglia dhe Austria është njëra nga ndeshjet miqësore që zhvillohet në stadiumin “Riverside Stadium”.
Takim tjetër interesant është edhe ajo në mes Francës e Uellsit në qytetin e Nices.
Ndërkohë edhe Gjermania sonte do të luajë një takim kontrollues me kundërshtar Danimarkën.
Tri përballjet në fjalë zhvillohen me fillim nga ora 21:00, ndërkohë 15 minuta më herët Kombëtarja e Holandës sfidohet nga Skocia.
Kujtojmë se Kampionati Evropian i futbollit fillon më 11 qershor me takimin e parë në “Olimpico” në mes Turqisë dhe Italisë.























