Inspektorët komunalë largojnë mallrat e ekspozuara nëpër trotuare
BKT
   Komunat

Inspektorët komunalë largojnë mallrat e ekspozuara nëpër trotuare

Drejtoria e Inspeksionit në Mitrovicë me asistim të Policisë së Kosovës dhe Kompanisë Regjionale të Mbeturinave “Uniteti” kanë ndërmarrë një aksion duke mos lejuar shitësit e ndryshëm që produktet e tyre t’i ekspozojnë në trotuare dhe hapësira tjera publike, të parapara për shfrytëzim nga ana e qytetarëve.

Inspektorët komunalë kanë bërë me dije se shitësit i kanë respektuar urdhëresat e inspektorëve dhe nuk ka pasur nevojë për intervenim të policisë apo shqiptim të ndëshkimeve mandatore.

Drejtori i Inspekcionit, Fidan Ademi, ka thënë se aksione të ngjashme do të ketë në vazhdimësi derisa të mos ketë ekspozim të mallrave nëpër trotuare dhe të mos ketë pengesa në lëvizjen e qytetarëve. Ai ka theksuar se mallrat do të shiten në hapësirën e tregut.


MË SHUME NGA    Komunat