RMV, Filipçe: Situata është stabile, nuk planifikojmë kufizime të reja

RMV, Filipçe: Situata është stabile, nuk planifikojmë kufizime të reja

“Situata epidemiologjike në vend është stabile dhe për këtë flet ulja e numrit të rasteve të reja pozitive dhe të pacientëve që kërkojnë kurim në Qendrat Kovid”, transmeton Telegrafi.

Kështu u shpreh sot Ministri i Shëndetësisë Venko Filipçe. Ai tha se nuk ka nevojë të vendosen masa kufizuese.

“Për momentin nuk planifikojmë kufizime apo ndonjë masë shtesë, për shkak se nuk shohim ndonjë rrezik. E ndjekim situatën me vëmendje, jo vetëm te ne, por edhe te vendet përreth”, tha Filipçe.

Në lidhje me procesin e vaksinimit, Filipçe tha se janë vaksinuar rreth 240 mijë qytetarë, ndërsa shtoi se të premten pritet të arrijnë sasi të reja të vaksinës “Pfizer”.