22:54 / 23.06.2021
Me shumë mund por Gjermania kalon tutje
Dy herë ka kaluar në epërsi Hungaria ndaj Gjermanisë dhe dy herë ka barazuar Gjermania.
Ndeshja e fundit e Grupit F ka përfunduar baraz 2-2.
Ky rezultat e ka çuar përpara Gjermaninë po jo edhe Hungarinë.
Hungarezët kaluan në epërsi në minutën e 11-të me golin e Adam Szalai.
Me këtë rezultat është mbyllur pjesa e parë.
Gjermanët ia kanë dalë ta barazojnë vetëm në minutën e 66-të me golin e Kai Havertz. Por gëzimi gjerman ka zgjatur shumë pak. Vetëm pas dy minutash Andras Schafer e ka kaluar sërish në avantazh Hungarinë. Gjermanët kanë barazuar përfundimisht në minutën e 84' me golin e Leon Goretzka.























