Haziri: Astra Zeneca është vaksinë e sigurt
BKT
   Komunat

Haziri: Astra Zeneca është vaksinë e sigurt

Kryetari i Gjilanit, Lutfi Haziri, ka bërë të ditur se 12 mijë qytetarë të kësaj komune janë vaksinuar për t’u mbrojtur nga COVID-19.

Haziri ka bërë thirrje që të mos iu besohet teorive konspirative dhe qytetarët të pranojnë vaksinën AstraZeneca.

“Unë dhe anëtarët e Komitetit, jemi të parët që jemi vaksinuar me AstraZeneca. Është vaksinë e sigurt dhe mos iu besoni teorive konspirative. Deri tani mbi 12 mijë gjilanas janë vaksinuar dhe i ftoj edhe të tjerët që të aplikojnë dhe të shkojnë për ta marrë vaksinën. Është e vetmja mënyrë për t’u mbrojtur nga ky virus”, ka thënë Haziri.

Ndryshe, që nga fillimi i pandemisë betejën me COVID-19 e kanë humbur 147 persona nga Gjilani.

 


MË SHUME NGA    Komunat