18:05 / 28.07.2021
Rreth 18 mijë qytetarë të Gjilanit janë vaksinuar kundër COVID-19
Në komunën e Gjilanit aktualisht janë 25 raste aktive me COVID-19, ka bërë të ditur kryetari, ndërsa janë vaksinuar 17 mijë e 697 qytetarë.
Kryetari i Gjilanit, Lutfi Haziri, ka apeluar të gjithë qytetarët që të vazhdojnë të vaksinohen, si e vetmja mënyrë e imunizimit kundër këtij virusi.
Gjendja e përgjithshme në Gjilan që prej fillimit të pandemisë COVID-19 është si vijon: nga 22098 testime, 6554 kanë rezultuar pozitivë, 6382 janë shëruar, 147 qytetarë e kanë humbur betejën, 17 pacientë po trajtohen në Spitalin e Përgjithshëm, ndërkaq 15 mostra janë në pritje për rezultat.























