21:55 / 11.08.2021
Mbyllet pjesa e parë, Chelsea në avantazh ndaj Villarrealit
Sapo ka përfunduar pjesa e parë ndërmjet Chelseat dhe Villarrealit.
Chelsea dhe Villarreali janë duke u përballur në Belfast në kuadër të Superkupës së Evropës.
“The Blues” patën iniciativën e plotë gjatë pjesës së parë, gjatë së cilës Villarreali kërkonte të rrezikonte përmes kundërsulmeve.
Chelsea arriti të shënojë përmes Ziyech, i cili shënoi në min 27′ pas një asistimi nga Kai Havertz.
Villarreali pati një rast të mirë pas disa minutash, por Mendy doli vendimtar, transmeton lajmi.
Skuadrat shkuan me këtë rezultat në pushimet e pjesës së parë. Rezultati i pjesës së parë, Chelsea 1-0 Villarreal.























