Van Dijk nënshkruan kontratë të re afatgjate me Liverpool
BKT
Sport

Van Dijk nënshkruan kontratë të re afatgjate me Liverpool

Virgil Van Dijk do të mbetet edhe për shumë vite pjesë e Liverpoolit.

Qendërmbrojtësi holandez i ka qëndruar besnik skuadrës nga Anfield, duke zgjatur kontratën e tij.

30-vjeçari do të mbetet te The Reds deri në verën e vitit 2025.

“E mahnitshme. Është diçka për të cilën jam shumë krenar me këtë kontratë të re. Bashkëshortja ime dhe fëmijët e mi gjithashtu janë krenar që do të jem gjatë këtu”, tha Van Dijk për faqen zyrtare të klubit.

“E gjithë puna e madhe që kemi bërë deri më tani do të vazhdoj dhe mezi pres që e ardhmja ime të jetë së bashku me Liverpoolin. Vërtetë jam i lumtur dhe krenar”, deklaroi mbrojtësi holandez.

Van Dijk u bashkua me Liverpoolin në janar të vitit 2018 dhe ai shpëjt është bërë një shtyll në mbrojtjen e skuadrës nga Jurgen Klopp, transmeton Telegraf.

Kapiteni holandez ka zhvilluar 130 ndeshje zyrtare me klubin, duke shënuar 13 gola, derisa ka fituar Ligën e Kampionëve, Ligën Premier, Superkupën e Evropës dhe Kupën e Botës për klube.