Muhaxheri: Plani im për Pejën është plan për 8 vjetët e ardhshme
Në emisionin “Prime” të RTK-së, mysafir është Gazmend Muhaxheri, kandidat i LDK-së për kryetar të Pejës në zgjedhjet lokale që do të mbahen më 17 tetor të këtij viti.
Ai theksoi se fryma e punës duhet bartet te të gjithë popullata, që të vendosë se kujt t’ia japin votën.
“Plani i qytetit që është ofruar nga unë si plan zhvillimor, që kundërkandidatët tjerë nuk kanë ofruar asgjë, plan ky që është votuar nga shumica e asambleistëve, plan që zbatohet për 8 vjetët e ardhshme, prandaj jam i bindur se unë do të jme fitues”, theksoi ai.
I pyetur nga analistët në studio për veprime kruciale brenda mandatit të fundit, ai shtoi se ndryshimi në këto 4 vjetët është hapja e lumit, si veprim konkret, pra shetitorja; rrugët në Rugovë, që i kanë dhënë zhvillim turizmit; shkollat, sallat e sportit, etj.
Tutje ai përmendi projektin Borea, siç e quajti ai “megaprojekt”, që, sipas tij, është projekt i lënë në mes, nga pengesat e vëna nga dikush nga lart,
Ai shkoi më tutje, duke theksuar se ky projekt ishte një ëndërr nga gjeneratat e vjetra, por që është zëvendësuar me Kopaonikun e Brezovicën./RTKLive























