Man City ndalet nga Southampton, Arsenal fiton ndaj Burnley
Sharr Travel

Man City ndalet nga Southampton, Arsenal fiton ndaj Burnley

Manchester City nuk ka arritur më shumë se një pikë ndaj Southamptonit, derisa Arsenal ka mposhtur Burnley në kuadër të xhiros së pestë në Premierligë.

Kampioni i Anglisë zhvilloi një ndeshje të mirë në “Etihad”, por në fund u mbyll pa golla, shkruan lajmi.net.

Rastet e shumta të Cityt assesi nuk përfunduan në gol, ku u vërejt se u mungonte vetëm finalizimi.

“Qytetarët” dominuan qysh nga minuta e parë, por të pafat para portës.

Southampton gjithashtu krijoi disa raste shënimi, por Ederson ishte në vendin dhe kohën e duhur.

Ylli shqiptar Armando Broja hyri në këtë takim si inkuadrues në minutën e 68-të.

Në fakt, City realizoi në fundin e takimit, por pas rishikimit të VAR-it u anulua për pozitë jashtë loje.

Pas barazimit, Man City renditët në pozitën e dytë me 10 pikë, derisa Southampton në vendin e 15-të me katër sosh.

Burnley 0 – 1 Arsenal

Arsenal ka shënuar fitoren e dytë radhazi në Premierligë, këtë herë si mysafirë i Burnley.

Skuadra e Mikel Arteta duket se ka nisur të rigjejë formën, ku sot fituan me rezultat minimal 0 – 1.

Ishte Martin Odegaard që realizoi golin e fitores në mënyrë fenomenale nga gjuajtja e lirë (30′).

Me këtë fitore, “Topçinjtë” ngritën në pozitën e 12-të me gjashtë pikë, derisa Burnel në vendin e parafundit pa pikë.