Derbit i mungojnë golat, Llapi shijon fitore e parë, fiton edhe Feronikeli
BKT
Sport

Derbit i mungojnë golat, Llapi shijon fitore e parë, fiton edhe Feronikeli

Përballja e rivalëve të vjetër ndërmjet Dritës dhe Prishtinës, është mbyllur pa gola.

Gjilanasit dhe prishtinasit u ballafaquan në Gjilan, në sfidën kryesore të kësaj fundjave në BKT Superliga e Kosovës në futboll, raporton RTKLive.com.

Dueli mes këtyre dy skuadrave më nam në futbollin tonë, ka prodhuar lojë mesatare, edhe pse është parashikuar një ndeshje më e fortë.

Të dy skuadrat tentuan që të gjejnë rrugën e golit, megjithatë, asnjëra skuadër nuk ia doli që të paktën një herë ta çoj topin në rrjetë.

Në radhët e Prishtinës në këtë duel debutoi edhe sulmuesin Besart Berisha, i cili u inkuadrua në lojë në finish të kësaj sfidë.

Ndërkohë, Llapi gjen fitoren e parë këtë sezon, duke mundur Dukagjinin, me rezultat 1-0, falë golit te Rivera (12’).

Me rezultat 1-0, ka fituar edhe Feronikeli në përballje me Ulpianën. Drilon Leku (26’), realizoi golin e fitores për skuadrën nga Drenasi. /RTKLive/