Renditja e të gjitha kohëve, Berisha kalon Taren, niset drejt Lilës
BKT
Sport

Renditja e të gjitha kohëve, Berisha kalon Taren, niset drejt Lilës

Ndeshja e sotme ka qenë e veçantë për Etrit Berishën. Portieri i përfaqësueses shqiptare ka kaluar një emër të madh të historisë kuqezi.

Në sfidën ndaj Hungarisë, ai regjistroi praninë numër 69 me fanellën kuqezi, duke lënë tashmë pas një emër të madh si Igli Tare.

Ky i fundi ndante me Berishën vendin e 9 në renditjen e të gjitha kohëve sa u përket ndeshjeve të përfaqësueses, por tashmë renditet pas portierit.

Për gardianin kuqezi, tani objektivi i radhës është Andi Lila. Ky i fundit është ndalur në 70 ndeshje me fanellën kuqezi dhe Berisha mund ta barazojë në vendin e 8 mbrojtësin përkrah të cilit shkroi historinë në Euro 2016.