Minutat e fundit, fluks i madh i qytetarëve për te votuar në Prizren
Në qendrën e dytë më të madhe të votimit, shkollën e mesme, “Remzi Ademaj” në Prizren është parë fluks i madh i qytetarëve për të votuar në minutat e fundit të procesit zgjedhor.
Në qendrën e dytë më të madhe të votimit, shkollën e mesme, “Remzi Ademaj” në Prizren është parë fluks i madh i qytetarëve për të votuar në minutat e fundit të procesit zgjedhor.
Për të votuar për raundin e dytë të zgjedhjeve në Prizren ka ardhur nga Turqia edhe Leonora Rugova, e cila thotë për KosovaPress se nga këto zgjedhje pret mirëqenie më të mirë per qytetarët.
Rugova: Kam ardhur nga Turqia
“Unë jetoj jashtë dhe qëllova këtu, më vjen mirë që qëllova këtu për të pasur mundësinë me votua. Nga Turqia, pres çka është ma e mira për popullin pasi pritjet janë të përbashkëta”, tha ajo.
Punë më të madhe për rininë dhe infrastrukturën rrugore po kërkon, Andi Morina.
Morina: Le të fiton më i miri, por të kenë diçka për rininë
“Mirë ishte qetë ishalla fiton më i miri….kisha pas qejf me pas një ndryshim më i mirë për Prizrenin…për rininë për infrastrukturë gjithashtu”, tha ai.
Ndërsa, Jetmir Qovanaj tha se është për ndryshim qeverisës në Prizren.
Qovanaj: Presim diçka më mirë
“Presim diçka më mirë në përgjithësi, jam për ndryshim”, tha ai.
KosovaPress provoi të marr një qëndrim edhe nga menaxheri i kësaj qendre të votimit, mirëpo i njëjti nuk pranoi të deklarohet.
Në komunën e Prizrenit po garojnë kandidati i Lëvizjes Vetëvendosje, Mytaher Haskuka dhe kandidati i PDK-së, Shaqir Totaj.























