11:07 / 23.12.2021
Xhaferi: Nuk do të ketë seancë për pyetje të deputetëve
Kryetari i Kuvendit në Maqedoninë e Veriut, Talat Xhaferi në brifingun me gazetarët informoi se seanca për pyetje deputetësh nuk do të mbahet.
Sipas tij, praktikat e deritanishme kanë dëshmuar se Qeveria në dorëheqje, si pasojë e dorëheqjes së kryeministrit, nuk mund të merr pjesë në pyetje deputetësh, ndërsa sipas Rregullores nuk mund as të caktoj përfaqësues.
Në Kuvendin e Maqedonisë së Veriut sot duhet të zhvillohet seancë me të vetmen pikë të rendit të ditës – dorëheqja e kryeministrit Zoran Zaev dhe Qeverisë.























