23:23 / 26.12.2021
Hebaj dhe Shkëndija ndajnë rrugët
Shkëndija dhe Rubin Hebaj kanë ndërprerë bashkëpunimin. Njoftimin e ka bërë Shkëndija.
NJOFTIMI
KF Shkëndija njofton ndërprerjen e bashkëpunimit me sulmuesin Rubin Hebaj. Sulmuesi Hebaj nuk do të jetë pjesë e skuadrës kuqezi, ndërsa marrëveshja për ndërprerjen e bashkëpunimit ka qenë e dyanshme.
Rikujtojmë që Hebaj skuadrës sonë iu bashkëngjit në muajin janar të këtij viti dhe me Shkëndijën e fitoi titullin e kampionit të Maqedonisë së Veriut.
KF Shkëndija e falënderon Rubinin për kontributin e dhënë në fanellën kuqezi, dhe i dëshirojmë shëndet dhe shumë suksese në karrierë.























