14:55 / 06.01.2022
Hamza priti në takim Ambasadorin Joern Rohde
Kryetari i komunës së Mitrovicës, Bedri Hamza, sot ka pritur në takim Ambasadorin e Gjermanisë në Kosovë, z. Joern Rohde.
Siç bëhet e ditur në njoftimin e komunës, në këtë takim është diskutuar për çështje të ndryshme, me theks të veçantë për nxitjen e zhvillimit ekonomik në qytetin e Mitrovicës.
Tutje në njoftim thuhet se Hamza i shprehu mirënjohjen e tij për mbështetjen e vazhdueshme të Republikës Federale Gjermane ndaj Republikës së Kosovës, ndërsa Ambasadori Rohde e falënderoj për mikpritjen që i është bërë gjatë vizitës së tij në Mitrovicë.























