18:25 / 15.01.2022
Konfirmon Tare: Kemi marrë një ofertë nga Rusia për Muriqin
Vedat Muriqi duket se e ka gjetur skuadrën e tij të re. Ka qenë vetë drejtori sportiv i Lazios, Igli Tare, që ka pranuar se ka ardhur një ofertë zyrtare për sulmuesin kosovar.
“Kemi marrë një ofertë nga Rusia për Muriqin, por nuk mund t’iu jap detaje të tjera”, ka deklaruar drejtuesi i bardhekaltërve për mikrofonat e “Sport24”.
CSKA Moscow i ka ofruar Lazios 2.5 milion euro për një huazim deri në fund të sezonit me të drejtë blerjeje. 8 milion euro do të derdhen më pas në arkat e Lazios, një shifër që duket se është e pranueshme nga klubi italian.























