Kryetari Nura mban premtimin për pensionistët
BKT
   Komunat

Kryetari Nura mban premtimin për pensionistët

E ka mbajtur premtimin kryetari i Komunës së Skenderajt, Fadil Nura, sa i përket kategorisë së pensionistëve të komunës së Skenderajt.

Ai kishte premtuar se do të bëjë gjithçka që është e mundshme t’u sigurojë një hapësirë të përshtatshme pensionistëve në mënyrë që të kalojnë kohën.

Një pjesë e objektit të Qendrës së Kulturës “Hasan Prishtina” është përshtatur brenda pak ditësh dhe është kthyer në një ambient tepër të ngrohtë e të përshtatshëm për ta.

Gjatë ditës, kryetari Nura i ka pritur edhe në zyrën e tij të punës, me ç’rast ka dëgjuar për hallet që ata kanë, si dhe ka premtuar mbështetje në çfarëdo aspekti që është kompetencë e komunës.

Më pas, së bashku me të parin e Komunës, pensionistët janë akomoduar në ambientin e ri, që është rregulluar dhe përshtatur mjaftueshëm për nevojat e tyre.


MË SHUME NGA    Komunat