“Napoli kishte refuzuar super-ofertën për dyshen Osimhen-Ruiz”
BKT
Sport

“Napoli kishte refuzuar super-ofertën për dyshen Osimhen-Ruiz”

Klubi italian Napoli kishte hedhur poshtë ofertën e Newcastle për dyshen Victor Osimhen dhe Fabian Ruiz në tregun e janarit, raportojnë mediat italiane, përcjell RTKLive.com.

Sipas gazetarit italian Paolo Bargiggia, skuadra e Serisë A kishte refuzuar ofertën në vlerë prej 140 milionë eurosh për dyshen Osimhen-Ruiz.

“Napoli kishte marr ofertën rreth 140 milionë euro për dyshen Osimhen-Ruiz. Napoli e refuzoi ofertën e skuadrës angleze”, tha gazetari Bargiggia.

Ai mendon se napolitanët duhet të rinovojnë kontratën e re me Ruiz, sepse sipas tij, një ofertë e mundshme nga Real Madridi do të ishte parezistueshme për lojtarin.

“Klubi duhet të rinovojë kontratën me Fabian Ruiz, i cili për momentin është një nga më të mirët në skuadër dhe fiton 1.5 milionë”.

“Ndjenja ime është se nëse shfaqen klube të rëndësishme si Real Madridi, do të jetë e vështirë të mbash lojtarin dhe të përballosh ofertë e majme”, theksoi gazetari Bargiggia. /RTKLive/